થઈ અજાણી શ્હેરમાં આવ્ય પછીથી મા,
આઠ આનાની ચબરખીમાં જ મળતી મા.
હાથને ચૂમી ભર્યાનો થઈ ગયો અનુભવ ,
સાવ કોરી પાટીમાં જ્યાં સહેજ ઘૂંટી મા.
શ્વાસ મારા એમ કૈં અમથા વધ્યા છે ક્યાં?
રોજ ખરચાતી રહી છે થોડી મા !
આ વખત વરસો પછી હું જઈ રહ્યો છું ગામ ,
આ વખત થાકી જવાનો હું ય શોધી મા.
આજ હું 'બેદિલ' રડ્યો ત્યારે થઈ છે જાણ ,
ખૂબ ભીંજાતી હતી મારામાં કોરી માં
અશોક ચાવડા 'બેદિલ '
કુમારમાંથી સાભાર
No comments:
Post a Comment