Wednesday, January 04, 2012

ફરીથી

આજે લગભગ ૩ વરસ પછી ફરીથી પોસ્ટ કરવાનું મન થયું છે જોઈએ હવે કેટલા દિવસ ચાલે છે .

Monday, June 08, 2009

પૈસા

પૈસા આવે છે તો સાથે શોખ પણ લાવે છે.
પણ પૈસા જાય છે, ત્યારે શોખ જતા નથી....

Wednesday, May 20, 2009

બે ત્રણ વાતો

આજે બે ત્રણ વાત કરવી છે. પહેલી વાત એ કે ચૂંટણી પહેલા કોઈ યુવા નેતા ની વાત નહોતું કરતું અને બધા માત્ર સોદાબાજી ની જ વાતો કરતા હતા. અને હવે યુપીએને ચોખ્ખી બહુમતી મળી છે તો પણ બધા પોતાના લાભ માટે ટેકો આપવા આગળ આવ્યા છે.

બહુ દિવસથી આઈમેક્ષ સિનેમા જોવાની ઇચ્છા છે. ખબર નહી ક્યારે પૂરી થશે. મુંબઈનું આઈમેક્ષ તો બંધ થઈ ગયુ છે પણ અમદાવાદનું હજી ચાલે છે. તો જોઈએ હવે ક્યારે પુરી થાય છે આ ઇચ્છા.....

ત્રીજી વાત એ કે ચૂંટણી પહેલા કોઈ યુવા શક્તિની વાત પણ નહોતું કરતું અને હા આ વખતે ચૂંટણીમાં કોઈ પક્ષ જોડે સામાન્ય માણસની મુળભુત જરૂરિયાતો જેવી કે રોટી, કપડા ઓર મકાન ...આ ત્રણ વિશે કોઈ પક્ષ જોડે કોઈ કાર્યક્રમ નથી .અને મને લાગતું પણ નથી કે ભવિષ્યમાં પણ હશે .

Monday, May 11, 2009

લોલક

આજે દોઢ વરસ પછી ફરીથી કારકિર્દી પાછી ઘડિયાળના લોલકની જેમ અસ્થિર થઈ ગયી છે. એક દિવસ એક ખબર આવે છે અને બીજા દિવસે બીજી ..કાંઈ ખબર નથી પડતી શું કરવું?

Thursday, April 30, 2009

મતદાન

આજે મતદાનનો દિવસ હતો અને મે મતદાન કર્યું નહી. કારણકે જેટલા પણ ઊભા હતા તેમાંથી એક પણ મને મારા કિંમતી વોટને લાયક ન લાગ્યો.

Wednesday, April 29, 2009

ચુંટણી

કાલે અમારા ઠાણેમાં ચુંટણી છે અને મને આજ સાંજ સુધી ખબર નહોતી કે મારા મતવિસ્તારમાં 30 ઉમેદવાર ઉભા છે. જેમાંથી 19 તો અપક્ષ છે. હવે જો માર જેવા ભણેલા ગણેલા નેટ વાપરતા મતદાતાને જ ખબર ના હો તો બાકીનાને તો ભગવાન જ બચાવે . અને જ્યારે એ જ ખબર ના હોય કે કોણ ઉભુ છે ત્યારે વોટ કોને આપવો તે તો કેવી રીતે નક્કી કરી શકાય. ઈતી.......

Tuesday, April 28, 2009

મોટોરોકર

ગયા અઠવાડિયે મારા મોટોરોકરમાં iphone થીમ નાખવા ગયો અને મારો ફોન હેંગ થઈ ગયો. મોટોની બુટ સ્ક્રીન આવીને અટકી જતી હતી. ઘણી મહેનત કરી પણ કશુ ના થયું. ફોર્મેટ પણ કરવાની કોશીશ કરી પણ કાંઈ ના વળ્યુ, છેવટે મોટો સર્વિસ સેંટરમાં જઈને સોફ્ટવેર અપડેટ કરાવવું પડ્યુ ત્યારે ફોન ચાલુ થયો. પણ મારા બધા કોંટેક્ટ ડીલીટ થઈ ગયા. હવે નક્કી કર્યુ કે આમા કાંઈ પ્રયોગો કરવા જેવા નથી .