ફુલ નાઈટ

આજે કદાચ આખી રાત ઓફીસમાં રોકાવુ પડશે, કારણકે કાલે સવારે પ્રસારીત કરવાનો કાર્યક્રમ હજી સુધી તૈયાર થયો નથી, તે આજે રાત્રે તૈયાર થશે અને રાતે જ હું અપલિંક કરીશ , ખબર નહી કેટલા વાગે મને તૈયાર કાર્યક્રમ મળશે.

મિચ્છામિ દુક્કડમ

મારા તરફથી સર્વે વાચકોને મિચ્છામિ દુક્કડમ,
અને હા બીજી એક વાત, મને ખબર પણ ના પડી અને મારો બ્લોગ શરુ કર્યે 2 વરસ થઈ ગયા, મને પોતાને નવાઈ લાગે છે કે જે વસ્તુ માત્ર અને માત્ર જીમેઈલનું આઈ-ડી મેળવવા માટે જ શરુ કર્યુ હતુ એ હવે મને પોતાને પણ ખુબ જ ગમવા લાગ્યુ છે અને જ્યારથી ગુજરાતીમાં લખવાનું શરુ કર્યુ છે ત્યારથી તો વધારે મજા આવે છે અને આશા રાખુ છું કે ભવિષ્યમાં પણ આ જ રીતે લખતો રહુ.

રવીવાર

રવીવારે પણ દેરાસર ગયો હતો અને પંડીતજીનું પ્રવચન અને એક ચર્ચા હતી નીશ્ચય અને વ્યવહાર ધર્મ પર , ખુબ જ મજા આવી અને એકદમ સરસ ચર્ચા હતી સાંભળીને બધા શ્રોતા ખુબ જ ખુશ થયા હતા ને એ ખુશી તેમના ચહેરા પર ઝળકતી હતી અને હા બાળકો દ્વારા તૈયાર કરેલા ધાર્મિક ચિત્રો અને મોડેલોનુ ખુબ જ સરસ પ્રદર્શન પણ માણ્યુ. બાળકો એ ખુબ જ મહેનત કરી હતી, હું ફોટા પાડવાનું ભુલી ગયો પણ પ્રયત્ન કરીશ કે કોઈએ પાડ્યા હોય તો લાવીને અપલોડ કરીશ , કાલે પર્યુષણનો છેલ્લો દિવસ છે.

શનીવારનો દિવસ

ગયા શનીવારે રજા હોવાને લીધે દેરાસરમાં ગયો હતો અને ત્યાં પંડીતજીનું પ્રવચન અને એક સરસ નાટક "સંસ્કાર નુ ફળ " જોયુ અને માણ્યુ. 15-20 બાળ કલાકારોએ ખુબ જ સરસ રીતે ભજવ્યુ હતું ખુબ જ આનંદ આવ્યો.