ફુલ નાઈટ

આજે કદાચ આખી રાત ઓફીસમાં રોકાવુ પડશે, કારણકે કાલે સવારે પ્રસારીત કરવાનો કાર્યક્રમ હજી સુધી તૈયાર થયો નથી, તે આજે રાત્રે તૈયાર થશે અને રાતે જ હું અપલિંક કરીશ , ખબર નહી કેટલા વાગે મને તૈયાર કાર્યક્રમ મળશે.

મિચ્છામિ દુક્કડમ

મારા તરફથી સર્વે વાચકોને મિચ્છામિ દુક્કડમ,
અને હા બીજી એક વાત, મને ખબર પણ ના પડી અને મારો બ્લોગ શરુ કર્યે 2 વરસ થઈ ગયા, મને પોતાને નવાઈ લાગે છે કે જે વસ્તુ માત્ર અને માત્ર જીમેઈલનું આઈ-ડી મેળવવા માટે જ શરુ કર્યુ હતુ એ હવે મને પોતાને પણ ખુબ જ ગમવા લાગ્યુ છે અને જ્યારથી ગુજરાતીમાં લખવાનું શરુ કર્યુ છે ત્યારથી તો વધારે મજા આવે છે અને આશા રાખુ છું કે ભવિષ્યમાં પણ આ જ રીતે લખતો રહુ.

રવીવાર

રવીવારે પણ દેરાસર ગયો હતો અને પંડીતજીનું પ્રવચન અને એક ચર્ચા હતી નીશ્ચય અને વ્યવહાર ધર્મ પર , ખુબ જ મજા આવી અને એકદમ સરસ ચર્ચા હતી સાંભળીને બધા શ્રોતા ખુબ જ ખુશ થયા હતા ને એ ખુશી તેમના ચહેરા પર ઝળકતી હતી અને હા બાળકો દ્વારા તૈયાર કરેલા ધાર્મિક ચિત્રો અને મોડેલોનુ ખુબ જ સરસ પ્રદર્શન પણ માણ્યુ. બાળકો એ ખુબ જ મહેનત કરી હતી, હું ફોટા પાડવાનું ભુલી ગયો પણ પ્રયત્ન કરીશ કે કોઈએ પાડ્યા હોય તો લાવીને અપલોડ કરીશ , કાલે પર્યુષણનો છેલ્લો દિવસ છે.

શનીવારનો દિવસ

ગયા શનીવારે રજા હોવાને લીધે દેરાસરમાં ગયો હતો અને ત્યાં પંડીતજીનું પ્રવચન અને એક સરસ નાટક "સંસ્કાર નુ ફળ " જોયુ અને માણ્યુ. 15-20 બાળ કલાકારોએ ખુબ જ સરસ રીતે ભજવ્યુ હતું ખુબ જ આનંદ આવ્યો.

પર્યુષણ

આજથી પાવન પર્યુષણનો પ્રારંભ થયો છે, દર વખતે ગણપતી અને પર્યુષણ બંને જોડે જ આવે છે. પણ આ વખતે ગુજરાતી મહીનાના કોઈ કારણસર એક દિવસ પછી શરુ થયુ છે,

અમારી ઓફીસમાં દર વખતની જેમ આ વખતે પણ ગણપતી સ્થાપના કરી હતી દોઢ દિવસ માટે, તો જો તેના ફોટા મને મળશે તો હું અપલોડ કરીશ

બેંકોક ઓફીસ

હું અને સદા અમારા ઈટીસીના ટ્રાંસમીશન રૂમમાં ...
થાઈકોમના સ્ટાફનાં ડોર્મ તરફથી ડીશ એંટેના અને ટ્રાંસમીશન ટાવરનો ફોટો
થાઈકોમની છત પરથી લિધેલો ડોર્મ અને તેની આગળનુ નાનુ સુંદર તળાવ
ટ્રાંસમીશન ટાવર અને ડીશ એંટેનાનો સાથે નો ફોટો ડોર્મ તરફથી...
મેઈન ગેટની સામે આવેલા ચોખાના ખેતરો....
અને આ છે થાઈકોમનો મેઈન રીસેપ્શન અને લોબી વીભાગ અને એમસીઆર તરફ જવાનો રસ્તો ...
આ સાથે જ મારી બેંકોક ઓફીસ ની મારી આ સીરીજ પૂરી થઈ .

બેંકોક ઓફીસ

આજે હું મારી બેંકોક ઓફીસની થોડી તસ્વીરો બતાવી રહ્યો છું.
આ ફોટો ઈટીસી પંજાબીના જુના એડીટ સુટનો છે, જ્યારે અમે બધા પેકેજ લીનીયર સેટ-અપ પર બનાવતા હતા...મોબાઈલથી લીધેલો ફોટો છે માટે ક્વોલીટી થોડી ખરાબ છે.
ઊપરનો ફોટો અમારા થાઈકોમની પાછળના ખેતરો નો છે , ત્યાંનુ આ ઝાડ તેના ખીલેલા ફુલો સાથે કેટલુ સરસ લાગે છે...
આ આપણા દૂરદર્શન જેવો લાગતો ટાવર એ તેમનો ટ્રાંસમીશન ટાવર છે.
આ જે તસ્વીર છે એ થાઈકોમ ના ટેરેસ પરથી લીધેલી છે જેમાં તેમના સ્ટાફ માટેની હોસ્ટેલ અને થોડીક ડીશ એંટેના પણ નજરે પડે છે.
આ થાઈકોમ નું મેઈન પ્રવેશ દ્વાર છે.
આ ઈટીસી પંજાબીનો ટ્રાંસમીશન રૂમ છે, અને જે જમણી બાજુ માં વાદળી કલરનુ મોનીટર જેવુ દેખાય છે તે તેનો નવો નોન-લીનીયર સેટ-અપ છે.
આ થાઈકોમના ટેરેસ પર નો ફોટો છે જેમા તમે આઈપીસ્ટાર અને તેમના ડીટીએચ માટેના ડીશ એંટેના જોઈ શકો છો.

આ મેઈન ગેટ ની બાજુમાં આવેલી અને તેના મેઈન બીલ્ડીંગની બિલ્કુલ સામે આવેલી ખુલ્લી જગ્યા છે , જેનો ત્યાંનો સ્ટાફ ને અમે ક્યારેક નાની મોટી રમતો જેવી કે ફૂટબોલ અને બેડમીંટન જેવી રમતો રમવા ઊપયોગ કરતા હતા.
આ થાઈકોમનુ મેઈન ટ્રાંસમીશન બીલ્ડીંગ છે , જેમાંથી ઘણી બધી ચેનલોનુ પ્રસારણ થાય છે, જેને થાઈકોમ ટેલીપોર્ટ એંડ ડીટીએચ સેંટર કહેવાય છે.

indian food

Hey guys gr8 news to tell, As our channel has finished 5 years, We had a great party on 29th of Aug thats yesterday, We have celebrated with good Indian food at home, It was really nice..i mean always nice to have Indian food here in Bangkok as otherwise we have to have Rice preparatins only, so it was a nice change and kind of refreshment...the taste will stay there for atleast a week or couple..lets hope it stays more...let me tell you more We do had some drinking also (not me as i don't drink), other guys had Heineken. So it was a great nice party which will be remembered till long time......I mean till next great party which is due very soon..So till than good bye take care. Enjoy

મારુ કામ

હાય આજે હું મારા કામ વિશે થોડુ લખીશ, હું ટીવી ચેનલમાં કામ કરુ છું મારી ચેનલ નુ નામ તો નહી કહુ પણ એટલુ જરૂર કહીશ કે મારી ચેનલ ઘણી જ લોક્પ્રિય ચેનલ છે અને એ પણ જણાવી દઉં કે એક મ્યુજિક ચેનલ છે અને આ જે રૂમ તમે જોઇ રહ્યા છો તે તેનો ટ્રાંશમીશન રૂમ છે ચેનલ નુ ટેલીકાસ્ટ બેકોંક થી થાય છે, કામ ઘણુ જ જવાબદારી વાળુ છે પણ કયા કામ તે હોતી નથી,કામ કરવાની ખુબ જ મજા આવે છે મારી પાછળ તમે પ્લેબેક કરવાનો સેટ અપ જોઇ શકો છો, ત્યાંથી જ દરેક પ્રોગ્રામનુ પ્રસારણ થાય છે, જે આખી દુનીયામા જોઇ શકાય છે,બસ આજે આટલુ જ બાકિ ફરી ક્યારેક .....

માથેરાનનુ સૌંદર્ય

ચોમાસામાં માથેરાન ખુબ જ સરસ લાગે છે, પાણીના ઝરણા અને લીલીછમ ધરતી મગજને તાજગીથી તરબતર થઈ જાય છે, અને હા ધુમ્મસની પણ મજા લેવા જેવી છે.

ફ્રી સીડી

ગઈ કાલે મને આઈએલડીસી તરફથી હીન્દી સોફ્ટવેર ટૂલ્સની સીડી મળી. મને ઘણુ જ આશ્ચર્ય થયુ કારણકે જ્યારે મે જાણ્યુ હતુ કે તેઓ ફ્રી સીડી આપી રહ્યા છે ત્યારે મે પણ ગુજરાતી માટે મારુ રજીસ્ટ્રેશન કરાવ્યુ હતુ , પણ હજી તેમની પાસે ગુજરાતી તૈયાર નથી, છતાં પણ તેમણે મને હીન્દી ની સીડી મોકલાવી. તમે પણ અહીંયા નામ નોંધાવી તમારી સીડી મેળવી શકો છો. અને જો તમારે ગુજરાતીમાં આ સીડી ખરીદવી હોય તો અહીયાં સંપર્ક કરી શકો છો.

અમદાવાદ નો વરસાદ

આજ કાલ અમદાવાદમાં પૂર આવ્યુ છે, હું 11 વરસ અમદાવાદમાં રહ્યો છું પણ સાબરમતીમાં આટલુ બધુ પાણી જોયુ નથી, જો કોઈની પાસે આવી પાણીથી ભરપૂર સાબરમતીનાં ફોટા હોય તો મહેરબાની કરીને મને લીંક અથવા તો મને jigaruna@yahoo.com પર મોકલવા વીનંતી...

ઘણુ બધુ

આજે ઘણા બધા વિષયો પર લખવાનો વિચાર છે.

1 ) ગુજરાત સમાચાર : છેલ્લા ઘણા દિવસોથી ..ખરેખર તો જ્યારથી સુરત માં પુર આવ્યુ છે ત્યારથી ગુજરાત સમાચાર ન્યુઝ પ્રીન્ટ્ની અછતના નામે 8 કે 10 પાના નુ જ પેપર આપે છે , મને એ ખબર નથી પડતી કે સુરતમાં એક અઠવાડીયુ જો આવી પરીસ્થીતી રહે તો શુ તેમની પાસેની ન્યુઝ પ્રીંટ ખતમ થઈ જાય અને પેપર બંધ થઈ જાય ? કોઈની જોડે આ સવાલનો જવાબ હોય તો મને લખીને મોકલજો, આ વાત મને ગુજરાત સમાચાર ની ખુબ જ ખરાબ લાગી. બીજી વાત કે આજના ઈંટરનેટના જમાનામાં દરેકે દરેક અખબારે પોતાનુ ઈ-મેલ આઈ ડી રાખવુ ક જોઈએ અને એને પેપરમાં છાપવું પણ જોઈએ જેથી કરીને કોઈને કાંઈ પણ લખવુ હોય તો પત્રનો સહારો ના લેતા જલ્દીથી પોતાની વાત તેમના સુધી પહોંચાડી શકાય.

2 ) ટેલીવીઝન : કાલે 15 ઓગસ્ટ હતી , મારી જેમ ઘણાં બધાએ નોટ કર્યુ હશે કે કાલે આખો દિવસ બધી ન્યુઝ ચેનલો પર માત્ર સ્વતંત્રતા દિવસની જ વાતો ચાલતી હતી , હું એમ નથી કહેતો કે એ ખોટુ છે પણ આખો દિવસ બીજા કોઈ જ સમાચાર નહી , મે બે થી ત્રણ વાર ટીવી ચાલુ કરીને બીજા કોઈ સમાચાર જોવાનો ટ્રાય કર્યો પણ કોઈ ફાયદો નહી, એ લોકો એજ રટણ સવારથી લઈને સાંજ સુધી ચાલુ રાખ્યુ હતુ , પણ જો બીજી કોઈ પણ સારી કે ખરાબ ઘટના ઘટી હોત તો તેમનો બધો રાષ્ટ્રપ્રેમ એક જ સેકંડ્માં ઊડી ગયો હોત અને બધાં પેલી બ્રેકીંગ ન્યુઝ્ની ઠૂમરી ગાવા લાગ્યા હોત.

3 ) કુમાર : આજે 2 વરસથી હું કુમાર નો વાચક છુ , આ માટે મારે કીશોર રાવળનો આભાર માનવો પડે અને કેસુંડાની જાણકારી આપવા બદલ રીડીફ ગુજરાતી નો આભાર માનવો પડે, રીડીફ ગુજરાતી તો જો કે હવે બંધ થઈ ગયુ છે, પણ જ્યારે ચાલતુ હતુ ત્યારે ખુબ જ સરસ હતુ , હજુ પણ તે અહીં પ્રાપ્ય છે. જે વાત મારે કહેવી છે એ ..એ છે કે કુમાર ખુબ જ સરસ માસીક છે અને આજના જમાનામાં જ્યારે ગુજરાતીમાં સારા સામાયીકોની કમી વર્તાય છે ત્યારે કુમાર તેની પરંપરા મુજબ ખુબ જ સુંદર કાર્ય કરી રહ્યુ છે, પણ અહીં પણ મારે એક જ સુચન છે અને એ જ કે કુમાર પણ એક મેલ આઈ ડી બનાવે જેથી પરદેશમાં રહેતા ગુજરાતીઓ પણ પોતનો અભીપ્રાય મોકલાવી શકે.

4) નીરવ મેહતા : જેમ મે પહેલા લખ્યુ હતુ ઉત્કર્ષ ના સેમીનાર વીશે, ત્યાં તેના ચેરમેન શ્રી નીરવ મહેતા એ પણ સંબોધન કરેલુ અને તેમણે કહેલુ કે ઊતકર્ષ એ માત્ર અને માત્ર તેમની ગુજરાતી તરફ્ના પ્રેમ ના લિધે જ રચવામાં આવ્યુ છે, મને તેમની આ વાત બહુ ગમી હતી, કારણકે જેમ બધા જાણે છે તેમ ગુજરાતીઓ ને માત્ર અને માત્ર વેપાર માં જ રસ હોય છે, પણ આ માણસ મને નોખી માટીનો લાગે છે. આશા રાખુ અને શુભેચ્છા આપુ કે તેમનુ આ દરેક ગુજરાતીના ઘરમાં ઊત્કર્ષ નુ સપનુ પુરૂ થાય , તેમનો CNBC નો સાક્ષાત્કાર અમે તેમની સાઈટ પર જોઈ શકો છો.

રક્ષાબંધન

આજે રક્ષાબંધન છે, ખુબ જ સરસ તહેવાર છે , ભાઈ બહેન ના પ્રેમ નો પ્રતીક આ તહેવાર મને બહુ ગમે છે, કારણકે મારે એક જ બહેન છે અને બધાને ખબર છે કે એક ની એક હોય એ ખૂબ જ લાડકી હોત તેમ રીતુ પણ અમારી ખૂબ જ લાડકી બહેન છે આજે સમીર ને બેંકોકમાં રહેવા છતાં આ તહેવાર માણવા મળશે કારણકે જીતુભાઈ આજે જાય છે તેમની જોડે તેની રાખડી મોકલાવી દઈશ

આજે ટ્રેનમાં પણ ખબર પડી જાય કે આજે કાંઈ અનોખો દિવસ છે કારણકે આજે ખૂબ જ ગરદી હતી , જાણે એમ લાગતુ હતુ કે મુંબઈની બધી બહેનો એ જ ટ્રેનમાં આવી ગયી છે, પણ ઘણુ સારુ લાગ્યુ કારણકે ગઈ કાલ ના પેપર માં એવુ લખ્યુ હતુ કે કદાચ આજે મોટી ભરતીના લીધે રક્ષાબંધન બગડે પણ ખરુ , પણ મને લાગે છે કે ભગવાને લાખો બહેનોની દુઆ સાંભળી અને અત્યાર સુધી વાતાવરણ એક્દમ સરસ છે.

સાધારણ

આજ કાલ કાંઈ નવીનતા નથી ચાલી રહી , જીવન એકદમ શાંતીથી ચાલી રહ્યુ છે, ઘણુ લખવાની ઈચ્છા છે પણ ખબર નહી કેમ મન તૈયાર જ થતુ નથી કારણ તો કાંઈ ખબર નથી, મારે જે ભાયંદર જૈન સમાજનો બ્લોગ ચાલુ કરવો છે તેનુ પણ કાંઈ થઈ નથી રહ્યુ, જોઈએ ક્યારે ચાલુ કરી શકીશ , મને બહુ ઈચ્છા છે તેને માટે ...

રજાનો દિવસ

આજે શનીવારે તો રજા હોય છે, પણ બીએમએસ ની ટ્રેનીંગ માટે આવવુ પડ્યુ, આવુ પડ્યુ એનો અફસોસ નથી પણ વગર કામ નુ બેસી રહેવુ પડ્યુ એનુ ઘણો અફ્સોસ છે, કારણકે અમારી ટ્રેનીંગ તો ક્યારની પતી ગયી હતી,

ઊતકર્ષ સેમિ નાર

શનીવાર તારીખ 29 જુલાઈ એ ઊતર્કષ ના કોમ્પ્યુટર સેમીનારમાં ગયો હતો . ઘણો જ સરસ હતો એ સેમીનાર , જેને કોમ્પ્યુટર બિલ્કુલ ના આવડતુ હોય તેના માટે એક સરસ મોકો હતો શીખવાનો , દરેકે દરેક વસ્તુ ખુશ્બૂ અને અંકુરે સરસ અને સારી ભાષામાં સમજાવી હતી.

ઉતર્કષની પુરી ટીમનો ખરા હ્રદય થી આભાર

સુવીચારો

માં બાપને સોને ન મઢાવાય તો ચાલે, હીરે ન જડાય તો ચાલે પણ આંતરડી તો ના જ કકળાવાય

જે દીકરાના જન્મ વખતે મા બાપે પેંડા વહેચ્યા.. એ જ દિકરાઓએ મોટ થઈને મા બાપને વહેંચ્યા.

મા બાપની આંખમાં બે વખત આંસુ આવે છે. દિકરી ઘર છોડે ત્યારે..દિકરો તરછોડે ત્યારે...

ઘરની માંને રડાવે ને મંદીરની માંને ચુંદડી ઓઢાડે...યાદ રાખજે મંદીરની માં તારા પર ખુશ નહી થાય !

બચપણમાં જે દિકરાને મા બાપે બોલતા શીખવાડ્યુ હતુ . એ જ દિકરા ઘડપણમાં મા બાપ ને ચુપ રહેતા શીખવાડે છે.

4 વર્ષનો તારો બાબલો જો તારા પ્રેમને ઈચ્છે છે, તો 80 વર્ષના તારા મા બાપ તારો પ્રેમ કેમ ન ઈચ્છે ?

આજના છોકરાઓ હયાત મા બાપ ને ચુપ કરે છે
અને તેઓના અવસાન પછી મા બાપના ફોટામાં ધૂપ કરે છે.

સારુ કામ કરવા માટે માણસ પાસે સમય નથી
અને જે લોકો સારુ કામ કરે છે તેમને સમય ઓછો પડે છે.

ફાવે તેવુ બોલાય નહી, ભાવે તેવુ ખવાય નહી
અને હાથમાં આવે તેટલુ વપરાય નહી

એસી કરની કર ચલો, તુમ હસો જગ રોયે

પાંચ પ્રકારનો પૈસો ઝેર સમાન છે.
1)પાપનો 2) થાપણનો 3) દિકરીનો 4) ધર્માદાનો 5) બીજાના ભાગનો

જે માં એ તારા માટે ખાટું-ખારુ ખાવાનુ છોડ્યુ હતુ, કડવા ઓસડીયા પીધા હતા એ માંનુ મન ખાટુ કરતો નહી, એનુ જીવન ખારુ ન કરતો,અને કડવા વચન ન કહેતો કમસે કમ આટલુ તો કરજે જ...

તે જ્યારે ધરતી પર પહેલો શ્વાસ લીધો ત્યારે તારા માતા પિતા તારી પાસે હતા, માતા પિત છેલ્લો શ્વાસ લે ત્યારે તું એમની પાસે રહેજે...

નાનો હતો ત્યારે માંની પથારી ભીની રાખતો મોટો થયો, ને..માંની આંખડી ભીની રાખે છે રે ..પુત્ર ! તને માંને ભીનશમાં રાખવાની ટેવ પડી છે.!!

માં ! પહેલા આંસુ આવતા ને તુ યાદ આવતી, આજે તુ યાદ આવે છે ને આંસુ આવે છે.

માતા પિતા ક્રોધી છે, પક્ષપાતી છે , એમનો સ્વભાવ વહેમી છે, એ બધુ નંબર 2 માં છે, પણ માં બાપ છે, એ નંબર 1 માં છે.

સંસારની બે કરુણતા...માં વિનાનુ ઘર ...અને ઘર વિનાની માં ...!!

1 કીલોની દુધી 1 કલાક ઊચકીને ઊભા રહેતા તારો હાથ દુ:ખી જાય છે...તો તને 9 મહીને માંએ પેટમાં કેવી રીતે ઊંચક્યો હશે

જે મસ્તી આંખોમાં છે તે સુરાલયમાં નથી હોતી. અમીરી કોઈ દિલની મહાલયમાં નથી હોતી. શીતલતા પામવા દોટ કાં મુકે છે માનવી...!! જે માં ની ગોદમાં છે તે હિમાલયમાં નથી હોતી.

બચપણ ના આઠ વર્ષ આંગળી પકડીને જે માં બાપ તને સ્કુલે લઈ ગયા' તા એ માં બાપને ઘડપણના 8 વર્ષ આંગળી ઝાલીને મંદીરે લઈ જજે .

માં અને ક્ષમા બન્ને એક જ છે કેમકે, માફી આપવામાં બન્ને નેક છે.

મા બાપે આપેલો સાચો વારસો પૈસો નહી , પણ ..પ્રામાણિકતા અને સંસ્કાર છે

ઘરમાં ઘરડા માં બાપને સાચવે નહી , અને ઘરડાઘરમાં ડોનેશન આપે, જીવદયામાં રૂપીયા લખાવે અને જીવદયા પ્રેમી કહેવો એ જીવદયાનુ અપમાન છે.

જે દિવસે મા બાપ તમારા કારણે રડે છે , ત્યારે તમારો કરેલો ધર્મ એ આંસુમાં વહી જાય છે

બચપણમાં ગોદ દેનારને ઘડપણમાં દગો દેનારો ના બનતો...

પત્ની પસંદગીથી મળતી ચીજ છે.માબાપ પુણ્યથી મળતી ચીજ છે માટે પુણ્યથી મળતી ચીજને ઠુકરાવશો નહી

પેટમાં પાંચ દિકરા જેને ભારે નો'તા પડ્યા એ માં પાંચ ફ્લેટમાં ભારે પડે છે !!

કબુતરને જુવાર નાંખનારો જુવાન જો ઘરડા મા બાપને જાળવે નહીં તો, એની જુવારમાં કોઈ ભલીવાર નથી ....

ભાગ માટે ભાંજગડ કરનારા દીકરાઓ બે ચીજ માટે ઊદાર બને છે જેનુ નામ છે માં બાપ

શ્રવણ બનીને તીર્થયાત્રા ન કરાવી શકો તો કાંઈ નહી , પણ ...માત પિતાની જીવનયાત્રા યાતનામય ન બને તેનું ધ્યાન તો રાખશો જ.

મંગલસુત્ર પણ વેચીને મોટો કરનાર મા બાપને બહાર કાઢનારા એ યુવાન ! તું તારા જીવનમાં અમંગલ સુત્ર શરુ કરે છે.

પ્રેમને સાકાર થવાનુ મન થયું ને માં નું સર્જન થયુ

માં એ પુર્ણ શબ્દ છે, ગ્રંથ છે , યુનિવર્સીટી છે. માં મંત્ર બીજ છે. પ્રત્યેક સર્જનનો આધાર છે માં

ગમે તેવા હોય ગુણીજન, તો'ય માં ના સૌ ઋણીજન .

ઘરના નામ માત્રુછાયા ને પીત્રુછાયા પણ એમાં મા બાપના પડછાયા'ય ન પડવા દે...તો એ મકાનનું નામ પત્નીછાયા રાખવુ ઠીક થઈ પડે...

બચપણમાં જેણે તમને હૈયે પાળ્યા, ઘડપણમાં એના હૈયા બાળ્યા તો યાદ રાખજો ..તમારા ભાગ્ય પરવાર્યા.

મા બાપને વ્રુધ્ધાશ્રમમાં મુકવા જતા યુવાન ! જરાક વિચારજે, તને અનાથાશ્રમમાં નથી મુક્યો એ ભુલની સજા તો નથી કરતો ને ?

મારે ખરી પણ .....માર ખાવા ન દે એનું નામ `માં'

જે પુત્ર માતા પિતાની સેવા ન કરે, તેમને હળધુત કરે , તેને જીવનમાં કદી પણ શાંતી નથી મળતી

સાર પુસ્તકો સમાજની ગંદકી સાફ કરે છે.

મનુષ્ય ના જીવનમાં એક એવો સમય આવે છે કે પ્રભુ એના ભાગ્યની ચાવી ખોલી આપે છે.ત્યારે તમે સાધુ સંતોને ખુબ જમાડજો, ગરીબોને , ભિક્ષુકોને ખુબ દાન કરજો કારણકે મ્રુત્યુ પછી ફક્ત તમારુ કર્મ જ જોડે આવે છે.

આ સંસાર પ્રભુની માયા છે-એમાં પુત્ર, પત્ની,ઘર, ધન એની ઊપર બીલકુલ મોહ રાખશો નહી - અ બધુ નાશવંત છે.

ગમે તેટલાં માનપત્રો મળ્યા હશે, તમે અબજો પૈસાની સંપતીના માલિક હશો, પણ મ્રુત્યુ વખતે આ કંઈ પણ સાથે આવવાનું નથી. તમારુ કર્મ જ સાથે આવશે.

સૌજન્ય : માત્રુશ્રી ફાઉંડેશન ટ્રસ્ટ

late india

the thing i want to write is about the time management in India which is as you know is very poor, when my brother came back from bangkok in last Nov. the flight was late and guess what this time i mean when he came back on 17 th again the same thing it was late by 3 hrs, strange....and again today when i was coming to office local train were late again by almost 1/2 hour now guess ..so many people has to go to office and also many kids were there who got late, and the rly people didnt even botherd to announce the reason for the delay, noremally i dont get angry but when such things happen i do get angry coz ppl should know whats happening and also to tell you is that even the public address system fitted in the trains are also not used i dont know why they can't use that also .....

This is what i hate about India (but i like many many manyyyyyyy things about India ...will tell you later about it)

એક વધુ અઠવાડીયુ

એક વધુ અઠવાડીયુ વીતી જશે અને હા જીવન માં કાંઈ હજી સુધી નથી થયુ જે નોંધપાત્ર છે સીવાય કે ભણ્યા વગર 5 વરસ સુધી પરદેસ રહ્યો અને સારુ એવુ કમાયો, અને હવે બહાર મતલબ કે પરદેસ જવાની ઈચ્છા બીલ્કુલ મરી પરવારી છે, આ અઠવાડીયાની બીજી કોઈ નવીનતા નથી પણ અઠવાડીયુ પુરુ ખુબ જ સરસ રીતે થશે , કારણકે એક તો ક્રેશા ની સ્કૂલ ચાલૂ થશે અને બીજુ કે સમીર 2 મહીને બેંકોક થી પાછો આવશે માટે આ વીકેંડ એક્દમ હલચલ ભર્યુ રહેશે. આવતા વીક થી સવારની શીફ્ટ છે.